Fjör í Markarfljóti og fyrsta gaffalstungan

"Þverun straumvatna" var á dagskrá í skólanum á laugardaginn.  Ég hef reyndar hingað til kallað þetta bara að vaða ár, en ætli ég verði ekki bara að þvera straumvötn héðan í frá.  Við fórum og djöfluðumst í Markarfljóti heilan dag og skemmtum okkur hið besta!

Hér eru rassarnir okkar í þurrbúningsbuxunum

Fyrst vorum við bara að dúlla okkur yfir meinlausar kvíslar en færðum okkur svo upp á skaftið.  Við áttum nefnilega bæði að komast að því hvað við gætum

og hvað við gætum alls ekki              

En svo fór ég líka austur í Fljótshlíð á sunnudaginn með Ágústi og tengdapabba og við mældum fyrir skúrnum góða sem á að byggja í sumar

og ég tók "fyrstu gaffalstunguna" að kálgarði.  Hann er reyndar frekar skondinn, u.þ.b. 80 cm í þvermál og inniheldur ca. 20 radísur og 10 kartöflur.  En mjór er mikils vísir... 

Athugasemdir

[Eyþór Ingi (IP-tala skráð) 30.4.2007 kl. 16:54]

Til hamingju með þennan áfanga Lára og Ágúst

[orgelstelpa (IP-tala skráð) 30.4.2007 kl. 17:57]

Mér finnst skólinn þinn alveg ótrúlega spennandi og fæ bara fiðrildi í magann af lýsingunum á öllu því sem þú færð að prófa. Líst líka vel á kálgarðinn (sem inniheldur greinilega ekkert kál). Ég mun biðja fyrir góðri uppskeru.