Nýjar reglur á heimilinu

Nú eftir að við fengum okkur fína baðinnréttingu með speglaskápum hefur húsmóðirin séð ástæðu til að setja strangar reglur:

BANNAÐ AÐ NOTA TANNÞRÁÐ FYRIR FRAMAN SPEGILINN

Svo er líka komið agalega strangt þrifaplan, ég var hálfpartinn miður mín þegar ég ryksugaði stofuna að óþörfu á miðvikudaginn (þ.e. það var ekki von á gestum), en sem betur fer meldaði Erla Elín sig svo í mat kvöldið eftir, hjúkk.  Rafmagnið þar að auki svo dýrt í baunalandi að það borgar sig eiginlega ekki að ryksuga, frekar að bíða þar til ógeðið er orðið nógu mikið til að raka það.

Desuden er það helst að frétta á heimilinu að ég bakaði rúgbrauð í gærkvöldi/nótt, hef aldrei áður bakað þrumara, en hefur staðið til í ca. 10 ár.  Helmingaði uppskriftina nema setti óvart orginal sykurmagn, enda er brauðið algjört lostæti.  Verður svo gaman að vita hvernig andrúmsloftið verður á morgun.

Litli kútur orðinn heill heilsu, samt spurning hvort teljist normalt að hann svaf þrjá góða lúra í dag án þess að honum væri sagt að gera það.  Var kannski að vinna upp nætursvefninn, þyrsta barnið drakk sex sinnum í nótt, segi og skrifa sex sinnum.  Og nei það voru ekki bara smásopar og svo aftur að lúlla, móðirin tæmd inn að lungum í hvert sinn.  Ég hélt nú að hann væri að grínast þegar hann heimtaði 4. drykkinn kl 03.00, en honum var fúlasta alvara.  Svo vakti ég pabbann þegar ég gafst upp á ótrúlega hressum Ágústi Ísleifi upp úr 8 og sagði honum að passa ofvirka barnið úr því að það vildi ekki sofa.  Og hvað gera þeir annað en að leggja sig, aaarrrrggg af hverju hef ég ekki þessi syfjuáhrif á stráksa.

Yfir og út, farin að sofa.

 

Athugasemdir

[Hildigunnur Rúnarsdóttir, 13.9.2008 kl. 20:49]

haha, gerðum einmitt einu sinni þessi mistök, gerum yfirleitt tvöfalda uppskrift nema einu sinni bara einfalda og þá tvöfaldaði bóndinn sírópsmagnið af gömlum vana. Brauðið hefur aldrei verið betra :D

[Dagbjört (IP-tala skráð) 15.9.2008 kl. 20:40]

Ég einmitt hugsaði þetta þegar ég var hjá ykkur um daginn og passaði mig extra vel á því að skvetta ekki þannþráðsafurðum á spegilinn. Vona að það hafi tekist sæmilega.

[Lára Bryndís Eggertsdóttir, 16.9.2008 kl. 10:14]

Nú var þetta þá kannski þitt en ekki mitt sem ég var að skafa af speglinum um daginn?  Eins gott að ég á góða rúðusköfu...