Hrós dagsins

Fær Ólöf sem kom og mooookaði kristal og postulíni oní kassa með aðstoð ca. 30 m af búbbluplasti (og ég er ekki einu sinni að ýkja með búbbluplasti, er með kvittun upp á það).  Hún fékk líka fullt af konfekti og súkkulaði og sörum, já og líka hrökkbrauð með kindakæfu frá tengdapabba, þið sjáið að það er ekki amalegt að koma í pökkunarteiti á Sjafnargötunni!

Ég er aðeins bjartsýnni núna á að takist að pakka öllu, er allavegana búin að pakka meirihlutanum af bókunum og öllum kri&pos-skápnum + slatta af kristalsvösum og dótaríi, þvílíkt og annað eins sem við eigum af fínum glösum og diskum, allir að mæta í matarboð í Lindeparken! 

Þá er bara eftir restin af stofunni (ýmislegt smádót og svo öll dýrin og hljóðfærin), góssið í skápunum í skrifstofunni (m.a. fullt af fínerís-erfðagóssi og svo bara ahahalllt mögulegt), allt eldhúsið, baðherbergið, geymslan, útidótið, hjóladótið, íþróttadótið...  Æ nú er ég aftur hætt að vera bjartsýn  iss hef nú alveg 10 daga...

En að allt öðru, veit einhver á hvaða vef er best að auglýsa til sölu teppi/risamottur úr Barmahlíðinni fyrir Elínu?

Athugasemdir

[Þóra Ingvarsdóttir, 3.3.2008 kl. 10:10]

Hmm. Á hverskonar verði væru þessi teppi/risamottur ...? Varla námsmannaverði?

[Lára Bryndís Eggertsdóttir, 3.3.2008 kl. 19:31]

haha ábyggilega uppskrúfuðu græða-peninga-verði...  nei djók ábyggilega meira spurning um að losna við þetta á gáfulegan hátt frekar en að henda.  En þetta eru svona risa-wannabe-persnesk teppi sem ná yfir heilar stofur, spurning hvort þau séu við námsmanna smekk!

[Þóra Ingvarsdóttir, 3.3.2008 kl. 23:38]

Þau eru við smekk námsmanna sem eru algjörlega með ofnæmi fyrir því að hafa ber gólf, svo lengi sem verðið er líka við smekk umræddra námsmanna ...