In æsland, planið á næstunni

Við erum nú löngu komin mæðginin en nennum ekki að liggja í tölvunni.  Erum hjá mömmu sem sinnir ömmuhlutverkinu mjög samviskusamlega.  Elín og dætur lenda eftir hálftíma, en Adrian löngu kominn að kaupa vinnuvélar.  Ágúst kemur á sunnudaginn.  Ég spila á Jólasöngvum kórs Langholstkirkju föstudags-, laugardags- og sunnudagskvöld (fernir tónleikar) og í miðnæturmessu á aðfangadagskvöld í Langholtskirkju.  Rembist við að æfa mig sem mest fyrir inntökuprófið (9. jan, óhemju illa tímasett) og tónleikana, kann samt allt fyrir jólasöngvana...  Búin að syngja jólalög á lansanum og Landakoti, gaman gaman.  Matarklúbbur í kvöld, fullskipaður í fyrsta sinn í mörg ár, þ.e. Ég, Halldóra, Hildur, Ragga, Regína og Auður.  Matarklúbburinn er orðinn 10 ára takk fyrir, frumdrögin voru lög í Portúgal 1998.  Segi ekki meira, ætla að finna orgel fyrir okkur Ágúst Ísleif.

Athugasemdir

[Bjargey (IP-tala skráð) 20.12.2008 kl. 16:35]

Þú ert sem sagt loksins búin að gera upp skuldir þínar við Langholtskirkjukórinn?

[Hildigunnur Rúnarsdóttir, 21.12.2008 kl. 01:14]

heyrði í þér á tónleikunum í gærkvöldi, en náði ekki í skottið á þér. Takk fyrir þetta.