Lára Bryndís Eggertsdóttir

16.7.2008 | 20:43

Eins gott að ég bakaði tvær kökur

Ekki af því að hafi komið svona margir í afmælið í gær heldur af því að það er líka afmæli í dag, við eigum nefnilega hugsihugsihugs þriggja ára brúðkaupsafmæli held ég í dag. Hljóta allavegana að vera nokkuð mörg ár úr því að ég man það ekki. Erum nú ekki vön að halda neitt sérstaklega hátíðlega upp á brúðkaupsafmælið, eins árs afmælinu var fagnað með því að sofa eins og grjót á hóteli á Heathrow eftir seinkanir og rugl á flugferðum frá Kathmandu gegnum Oman. Í fyrra rétt svo hittumst við, Ágúst að koma frá útlöndum minnir mig og ég rauk að morgni afmælisdags í fyrstu ferðina mína með Þjóðverjana blessaða yfir Arnarvatnsheiði. En í dag fengum við a.m.k. köku, hún er að verða búin, það þýðir 1/2 kaka á mann.

En að allt öðru, það var enginn búinn að vara mig við því að "ég" hætti að vera til þegar barn kæmi til sögunnar. Í öllum samtölum við Ágúst Ísleif nota ég annað hvort 2. persónu eintölu (Mamma) eða 1. persónu fleirtölu (við). Dæmigert samtal:

Barn: Vaaaaaa.....
Móðir: Æjæjæj erum við búin að gera í brækurnar, á Mamma að skipta á þér?
Barn: Vaaaaaa....
Móðir: Nú skulum við koma á skiptiborðið, komdu til Mömmu
Barn: Vaaaaaa....

Ágúst Ísleifur er ekki farinn að gera greinarmun á persónum og tölum enn þá.

Flokkur: Bloggar | Facebook

Athugasemdir

Já Lára mín þið eigið þriggja ára brúðkaupsafmæli í dag. Til hamingju með daginn bæði tvö

Svona fer fyrir okkur er við verðum mæður Lára mín, velkomin í hópinn. Reyndar er ég búin að endur heimta mína fyrstu persónu ,,Ég"

ammakisa (IP-tala skráð) 16.7.2008 kl. 20:56

Svo kemur líka sá dagur þegar enginn sér mann!! Barni er heilsað með mikilli viðhöfn, mússí múss og knúsí knús, síðar heyrist "heyrðu, ég var ekki búin að heilsa þér"